Minisitiri w’Ingabo wa Botswana yavuze icyatumye agenderera u Rwanda

Kagiso Thomas Mmusi, Minisitiri w’Ingabo wa Botswana wagiriye uruzinduko mu Rwanda, yavuze ko basuye u Rwanda kugira ngo barebe uko bakongerera ingufu umubano w’Ibihugu byombi.

Kagiso Thomas Mmusi yakiriwe na mugenzi we w’u Rwanda Minisitiri w’Ingabo, Maj Gen Albert Murasira, ku cyicaro gikuru cy’Ingabo z’u Rwanda ku Kimihurura mu Mujyi wa Kigali kuri uyu wa Gatatu tariki 27 Mata 2022.

Izindi Nkuru

Abasirikare b’ikindi Gihugu cyo muri EAC boherejwe muri DRCongo berekwa umutego batagomba kuzagwamo

29/12/2022

Uko Urukiko rwakiranuye iby’umukobwa wafashwe aryamanye n’umwana w’umuhungu akisobanura ko bakundana

22/12/2022

Minisiteri y’Ingabo ivuga ko ibiganiro bya ba Minisitiri b’Ingabo ku mpande zombi byibanze ku bufatanye bw’u Rwanda na Baotswana mu bya gisirikare.

Minisitiri Kagiso Thomas yagaragaje ko imikoranire y’Ibihugu byombi mu bya gisirikare ari ingenzi.

Yavuze ko we n’itsinda ayoboye basuye u Rwanda kugira ngo impande zombi zirebere hamwe uko barushaho gushyigikira ubutwererane mu bya gisirikare hagati y’ibihugu byombi.

Yagize ati “Turi hano kugira ngo tuganire ku mubano w’ibihugu byacu no kureba uko twarushaho kuwutsimbataza.”

RADIOTV10