Minisitiri w’Ingabo, Juvenal Marizamunda, yatangije ku mugaragaro amasomo ku banyeshuri bashya batangiye kwiga mu Ishuri Rikuru ry’Ubuvuzi rya Gisirikare (Defence College of Health Sciences), rifite icyicaro mu Ishuri Rikuru rya Gisirikare i Gako.
Iri shuri ryatangijwe mu rwego rwo guteza imbere uburezi bwihariye mu bijyanye n’ubuvuzi bwa gisirikare, ndetse no kongera ubumenyi n’ubunyamwuga bw’abakora mu rwego rw’ubuzima mu Ngabo z’u Rwanda (RDF).
Mu muhango wo gutangiza amasomo, Minisitiri Marizamunda yagejeje ku banyeshuri ubutumwa bushimangira akamaro ko kugira ubumenyi buhagije n’ubunyamwuga mu rwego rw’ubuvuzi bwa gisirikare.
Defence College of Health Sciences igamije gutanga amasomo yihariye ajyanye n’ubuzima n’ubuvuzi bya gisirikare, mu rwego rwo gutegura abakozi bafite ubushobozi bwo gutanga serivisi z’ubuzima ku basirikare no mu zindi nshingano RDF ishobora kubagenera.
Gufungura iri shuri ni intambwe igamije gushimangira uburezi n’amahugurwa yihariye mu buvuzi bwa gisirikare, ndetse no guteza imbere ubushobozi bw’abakozi bo mu rwego rw’ubuzima mu Ngabo z’u Rwanda.
Iri shuri rikorera mu Ishuri Rikuru rya Gisirikare i Gako, aho abanyeshuri bazahabwa ubumenyi n’amahugurwa ajyanye n’inshingano zabo mu rwego rw’ubuzima bwa gisirikare.
RADIOTV10