Perezida wa Uganda, Yoweri Kaguta Museveni n’umuhungu we General Muhoozi Kainerugaba, barezwe mu rukiko mpuzamahanga mpanabyaha ICC, ibyaha by’ihohotera n’iyicarubozo, mu kirego kirimo ubuhamya bw’abarenga 200.
Aba bombi bashinjwa gukorera abo mu ruhande rutavuga rumwe n’ubutegetsi bwabo iyicarubozo, abandi bagatabwa muri yombi mu buryo bunyuranyije n’amategeko.
Iki kirego cyatanzwe n’abishyize hamwe bahagarariye abo bivugwa ko bahohotewe n’ubutegetsi bwa Museveni, bavuga ko yaba impirimbanyi z’uburenganzira bwa muntu n’abo mu mashyaka atavuga rumwe na we barimo Depite Robert Kyagulanyi uzwi nka Bobi Wine, babayeho mu buzima buruta ubw’imfungwa kubera kugaragaza uruhande rwabo.
Iki kirego kirimo ubuhamya bw’abarenga 210, cyashyikirijwe ICC ku wa Gatatu, aho uru rukiko mpuzamahanga ruvuga ko rugiye kugisuzuma rwasanga gifite ishingiro, Museveni n’umuhungu we bagashyirirwaho impapuro zibata muri yombi.
Eugenie NYIRANSABIMANA
RADIOTV10
