Nyuma yo gutahwa Kwa Sitade Amahoro ivuguruye, ubu hagiye gukurihaho Petit Stade, aho igiye kwakira imikino ya Volleyball ndetse ikaba ari yo mikino ya mbere izaba ibereyemo nyuma yo kuvugururwa.
Binyuze mu Ishyirahamwe ry’Umukino wa Volleyball mu Rwanda (FRVB), kuri uyu wa Gatanu hazatangira imikino ya ‘Liberation cup’ izahuza amakipe ane ya mbere mu bagabo ndetse n’andi ane mu bakobwa.
Mu bagabo amakipe azitabira, ni Police VC, APR VC, Kepler VC ndetse na REG VC, mu gihe mu bagore ari APR WVC, Police WVC, RRA WVC ndetse na Ruhango WVC.
Ku wa Gatanu saa Kumi (16h00) ikipe ya APR WVC izacakirana na Ruhango WVC, nyuma y’uyu mukino ikipe ya Police VC izahita ihura na APR VC muri Petit Stade.
Bucyeye bwaho ku wa Gatandatu, ikipe ya RRA WVC izakina na Police VC ku isaha ya saa kumi, nyuma REG VC ihite ikina na Kepler VC, aho iyi mikino na yo izabera muri Petit stade aho amakipe azaba yatsinze azahurira ku mukino wa nyuma ku cyumweru mu bahungu no mu bakobwa.
Jean Claude KANYIZO
RADIOTV10
