Rayon Sports irakira APR FC kuri uyu wa Gatatu, Bisengimana arahura na Police FC

Kuri uyu wa Gatatu tariki 16 Kamena 2021, Rayon Sports izahura na APR FC mu mukino w’umunsi wa gatanu wa kamarampaka (playoffs) muri shampiyona 2020-2021.Umukino uzatangira saa cyenda zuzuye (15h00’) ku kibuga cya sitade ya Bugesera.

Ni umukino ikipe ya Rayon Sports izakina nyuma yo kunganya na Marines Fc (1-1) mu mukino uheruka kubera i Rubavu mu gihe APR FC ihagaze neza nyuma y’uko yanyagiye Police FC ibitego 3-0 mu mukino wabereye i Huye ku Cyumweru.

Ikipe ya APR FC iri ku mwanya wa kabiri n’amanota icumi (10) izigamye ibitego birindwi (7) mu gihe Rayon Sports iri ku mwanya wa gatatu n’amanota atanu (5) izigamye ibitego bibiri (2).

AS Kigali iri ku mwanya wa mbere n’amanota icumi (10) ikazigama ibitego umunani (8) mu mikino ine amakipe amaze gukina.

Indi mikino iteganyijwe kuri uyu wa gatatu:

-Marines FC vs AS Kigali (Stade Umuganda,15h00’)

-Espoir FC vs Bugesera FC (Stade de Rusizi,15h00’)

-Police FC vs Rutsiro FC (Stade de Bugesera,12h00’)

SADAM MIHIGO

 

 

 

 

 

 

 

Leave a Reply

Your email address will not be published.

Related Posts