Thursday, September 28, 2023

Shampiyona ikomeje gutungura ruhago y’Isi igiye kumanukamo myugariro wihagazeho i Burayi

Facebook
Twitter
LinkedIn
WhatsApp

Ikipe ya Al Nassr yo muri Shampiyona ya Arabie Saudite ikomeje kuzamo abakinnyi bafite amazina aremereye ku Isi, nyuma yo gusinyisha rurangiranwa Cristiano Ronaldo, ikamanura abarimo na Sadio Mane, haravugwa myugariro ugiye kugurwa n’iyi kipe.

Ni Aymeric Laporte, ndetse ngo Manchester City yamaze kumvikana na Al Nassr, ku buryo Laporte yaaba ari hafi kwerekeza muri Arabie Saudite.

Izindi Nkuru

Aymeric Laporte ari kwerekeza mu muryango usohoka muri Manchester City nyuma y’uko iyi kipe, yatwaye ibikombe 3 bikomeye mu mwaka w’imikino wa 2022-2023, bivugwa ko yamaze kwemera amafaranga ari gutangwaho na Al Nassr.

Amakuru aravuga ko iyi kipe yo muri Arabie Saudite, Al Nassr, isanzwe ifite abakinnyi nka Cristiano Ronaldo, Sadio Mane, Marcelo Brozovic na Alex Telles, iri kwihutisha ibijyanye no gusinyisha uyu myugariro w’Umunya-Espagne.

Aymeric Laporte, kuri ubu uri kumwe n’ikipe ye ya Manchester City i Athens mu Bugereki, bitegura umukino wa nyuma wa Super Cup bari buhuremo na FC Seville kuri uyu wa Gatatu, yagiye abura umwanya uhagije wo gukina mu mwaka ushize w’imikino nyuma yo kwitwara neza kwa Nathan Aké.

Laporte w’imyaka 29, yatwaranye na Manchester City ibikombe 5 byose bya Shampiyona ku bwa Pep Guardiola, dore ko yaje muri Manchester City muri Mutarama 2018 avuye muri Athletic Bilbao.

Iminsi ya Aymeric Laporte muri Manchester City iri kubarirwa ku ntoki nyuma y’uko iyi kipe iguze myugariro Josko Gvardiol imukuye muri RB Leipzig, bikaba byitezwe ko Laporte imyaka 5 amaze kuri Etihad Stadium igiye gushyirwaho akadomo no kwerekeza kwe muri Al Nassr yo muri Arabia Saudite.

Cedrick KEZA
RADIOTV10

Leave a Reply

Your email address will not be published. Required fields are marked *

IzindiNkuru