Tanzania: TFF yemeje amatariki y’umukino w’ikirarane uzahuza Simba SC na Yanga SC

Ishyirahamwe ry’umupira w’amaguru muri Tanzania (TFF) ryemeje ko umukino w’ikirarane uzahuza Simba SC na Yanga SC uzakinwa kuri uyu wa Gatandatu tariki 3 Nyakanga 2021 saa kumi n’imwe zuzuye ku masaha y’i Dar Es Slaam (17h00’) bizaba ari saa kumi ku masaha y’i Kigali (16h00’).

Ni umukino uzakinwa mbere y’uko n’ubundi aya makipe azahurira ku mukino wa nyuma w’igikombe cy’igihugu (Azam Sports Federation Cup 2021), umukino uzakinwa tariki 25 Nyakanga 2021.

Simba SC yongeye kugera ku mukino wa nyuma itsinze Azam FC igitego 1-0 cyatsinzwe na Jose Luis Miquisonne (68’) mu gihe Yanga SC nayo yatsinze Biashara United Mara igitego 1-0 , igitego cyatsinzwe na Yacouba Sogne (22’).

Simba SC ibitse iki gikombe izahura na Yanga SC muri shampiyona bazongera bahure ku mukino wa nyuma wa Azam Sports Federation Cup 2021.

Magingo aya ikipe ya Simba SC iri imbere ku rutonde rw’agateganyo rwa shampiyona 2020-2021 n’amanota 73 mu mikino 29 mu gihe Yanga SC ari iya kabiri n’amanota 67 mu mikino 31. Azam FC ni iya gatatu n’amanota 64 mu mikino 32 imaze gukina.

 

 

 

Leave a Reply

Your email address will not be published. Required fields are marked *

Related Posts