Amasaha arabarirwa ku ntoki ngo Tour du Rwanda itangire, igiye kubanzirizwa n’ibirori byo gufungura iri rushanwa ku mugaragaro, bibera ku rubuga rwa Kigali Convention Center kuri uyu wa Gatandatu, ahateranira n’abahanzi batandukanye barimo King Kivumbi.
Iri siganwa rigiye gukinwa ku nshuro ya 18 guhera taliki ya 22 Gashyantare kugeza kuya 1 Werurwe 2026, rizahuriza hamwe amakipe 18 aturutse hirya no hino ku isi.
Amakipe yose uko ari 18 ari mu mu Rwanda dore ko harimo amakipe ane asanzwe mu gihugu:
Amakipe y’ibihugu: Team Rwanda, Afurika y’Epfo, Eritrea na Ethiopia.
Amakipe ari ‘Continentale: Amani (Rwanda) , Benediction Banafrica (Rwanda), May Star, (Rwanda), Bike Aid, Madar, Rembe Rat, Localiza Meoo, Istanbul na Tshenolo Pro.
Amakipe ya ‘World Tour ’: Soudal Quick-Step, Movistar, NSN, Picnic Postnl na Lotto-Intermarché.
Kuri iki cyumweru taliki ya 22 Gashyantare 2026, saa tanu : abasiganwa barahaguruka mu Rukomo mu karere ka Gicumbi berekeza i Rwamagana.
Uduce (Stages ) twose :
- Kuya 22.2 :Stage 1: Rukomo – Rwamagana
- Kuya 23.2: Stage 2: Kigali – Huye
- Kuya 24.2: Stage 3: Huye – Rusizi
- Kuya 25.2: Stage 4: Karongi – Rubavu
- Kuya 26.2: Stage 5 : Rubavu – Rubavu
- Kuya 27.2: Stage 6: Rubavu – Musanze
- Kuya 28.2: Stage 7: Musanze – Kigali
- Kuya 1.3: Stage 8: Kigali – Kigali
Izi Stages zose ni ibilometero 978.
Kuva iri siganwa ryajya ku rwego rwa 2.1, nta munyarwanda n’umwe uraryegukana , gusa Mugisha Moïse uzakinira Benediction Bana Africa team niwe munyarwanda rukumbi washoboye kwegukana stage.
Ephrem KAYIRANGA
RADIOTV10
