Ishyirahamwe ry’Umupira w’Amaguru mu Rwanda (FERWAFA) ryatangaje Umutoza Mukuru w’Ikipe y’Igihugu Amavubi, Stephen Constantine wanigeze kuyitoza mu myaka icumi ishize.
Ishyirwaho ry’uyu Mutoza Mukuru w’Amavubi, rikubiye mu itangazo ryashyizwe hanze na FERWAFA kuri uyu wa Kane tariki 12 Werurwe 2026.
Iri tangazo rigira riti “Ishyirahamwe ry’Umupira w’Amaguru mu Rwanda (FERWAFA) ryishimiye kumenyesha abanyarwanda ko Stephen Constantine yashyizweho nk’Umutoza Mukuru w’lkipe y’lgihugu y’Abagabo (Amavubi) ndetse n’lkipe y’lgihugu y’Abatarengeje imyaka 23, mu gihe cy’imyaka ibiri iri imbere ishobora kongerwa hashingiwe ku musaruro.”
FERWAFA ikomeza ivuga ko “Ishyirwaho ry’umutoza rirashimangira ubushake bw’igihugu cyacu bwo kubaka imikorere n’imiyoborere mishya y’umupira w’amaguru no kugera ku ntsinzi ku rwego mpuzamahanga haba ku mugabane wa Afurika no ku lsi.”
Umutoza Constantine azatangira inshingano ze mu lkipe y’lgihugu Amavubi ku wa Mbere tariki ya 16 Werurwe 2026, akazakorana n’abatoza basanzwe mu ikipe ya tekinike y’ikipe y’igihugu mu myiteguro y’amarushanwa ya FIFA Series ateganyijwe kubera i Kigali mu mpera z’uku kwezi kwa Werurwe.
Uyu Mutoza w’Umwongereza Constantine si mushya mu gutoza Ikipe y’Igihugu y’u Rwanda, kuko yanayitoje hagati kuva muri 2014 kugeza muri 2025 ubwo yasezeraga atarangije amasezerano ye.
Icyo gihe ubwo yasezeraga, yahise yerecyeza mu Buhindi gutoza Ikipe y’iki Gihugu, nyuma yuko byari bimaze iminsi bivugwa ko yabonye akazi muri kiriya Gihugu ariko we ya yabanje kubigia ibanga.
RADIOTV10
