Ihuriro AFC/M23 rirwanya ubutegetsi bwa Repubulika Iharanira Demokarasi ya Congo, ryashyizeho Abayobozi b’inzego z’ibanze mu bice byabohowe, barimo Kisuba Ngabo Désiré wagizwe Umuyobozi w’Umujyi wa Goma ndetse na Nshimirimana Juvénal wungirije Mayor w’uyu mujyi.
Ishyirwaho ry’aba bayobozi, rikubiye mu itangazo ryashyizwe hanze n’Ubuyobozi bwa AFC/M23 ku gicamunsi cyo kuri uyu wa Mbere tariki 08 Kamena 2026.
Uretse aba bagizwe abayobozi b’Umujyi wa Goma, hanashyizweho na ba Burugumesitiri b’amakomini atandukanye, barimo Kavugho Jeanine wagizwe Burugumesitiri wa Komini Kirumba na YODRE BUSIMBA Rodrigue yagizwe Burugumesitiri Wungirije w’iyi Komini ya Kirumba.
Muri Komini ya Goma, KATEMBO ISEVISYA yagizwe Burugumesitiri Wungirije wa Komini w’iyi Kominsi ndetse na RADJABU KWIZERA Elie wagizwe Burugumesitiri Wungirije wa Komini ya Karisimbi.
Hashyizweho kandi Abayobozi ba Teritwari zinyuranye, aho mu ya Lubero, KATEMBO NDALIENI Julien yagizwe Umuyobozi Mukuru (Administrateur), akaba yungirijwe na MUNYANDEKWE FIZI Innocent.
Muri Teritwari ya Nyiragongo, MPAMBUKA NDUNGUTSE Prince yagizwe Umuyobozi Mukuru wa Teritwari, akaba yungirijwe na Moise BIGIRABAGABO.
Muri Teritwari yay a Rutshuru, Umuyobozi Mukuru wayo yagizwe IZABAYO KABASHA Ephrem, akaba yungirijwe na Désiré KANYAMARERE.
Hanashyizweho abashefu b’Umujyi wa Bunagana, aho Umuyobozi mukuru wawo ari KAYONDE RUSAKE, akaba yungiriwe na NZABINIMPA HAMULI.
Itangazo rikubiyemo ishyirwaho ry’aba bayobozi ryashyizweho imikono n’Umuhuzabikorwa Wungirije wa AFC/M23, Bertrand Bisimwa ndetse n’Umuhuzabikorwa Mukuru, Corneille NANGAA YOBELUO, rivuga ko icyemezo cy’ishyirwaho ry’aba bayobozi gitangira kubahirizwa igihe cyasinyiwe, tariki 06 Kamena 2026.
RADIOTV10
