Abakinnyi b’Ikipe y’Igihugu, Amavubi, bamaze kugera mu mwiherero wo kwitegura imikino ya gicuti yo kwitegura iyo gushaka itije yo kuzitabira Igikombe cya Afurika cya 2027.
Ishyirahamwe ry’Umupira w’Amaguru mu Rwanda (FERWAFA) riravuga ko “Abakinnyi n’abagize Ikipe y’Igihugu Amavubi bamaze guhurira mu mwiherero utegura urugendo ruberekeza i Marrakech/Maroc, aho bazakina imikino 2 ya gishuti na Comoros ndetse na Tanzaniya.
Iyi mikino iri mu myiteguro y’imikino iri imbere yo gushaka itike yo kuzitabira AFCON2027.”
Aba bakinnyi bamaze kugera mu mwiherero, barimo abasanzwe bakina hanze y’u Rwanda ndetse n’abakina imbere muri Shampiyona y’u Rwanda.
Mu bakina hanze bamaze kugera mu mwiherero, barimo rutahizamu Nshuti Innocent, myugariro Mutsinze Ange Jimmy, ndetse na Imanishimwe Emmanuel bakunda kwita Mangwende.
RADIOTV10
