Imibare ku ishusho y’indwara ya Marburg mu Rwanda, iragaragaza ko hasigaye umuntu umwe uri kuvurwa, nyuma yuko abagera kuri 46 bamaze gukira.
Iyi mibare yatangajwe na Minisiteri y’Ubuzima kuri uyu wa Mbere tariki 21 Ukwakira 2024, yerekana ko mu bipimo 58 byafashwe kuri uyu munsi, nta muntu n’umwe wasanganywe ubwandu.
Ni mu gihe kuva iyi ndwara ya Marburg yagera mu Rwanda, imaze kugaragara ku bantu 62 bavuye mu bipimo 4 839 byafashwe.
Iyi ndwara yatangajwe bwa mbere mu Rwanda tariki 27 Nzeri 2024, kugeza ubu imaze guhitana abantu 15, naho 46 bakaba barayikize, barimo umwe wayikize kuri uyu wa Mbere, na ho ubu umwe akaba ari we uri kuvurwa.
Mu byumweru bibiri bishize kandi, hatangiye ibikorwa byo gukingira abari ku ruhembe mu guhangana n’iyi ndwara barimo abakora mu rwego rw’ubuvuzi, aho kugeza ubu hamaze gukingirwa abantu 1 149 barimo 79 bakingiwe kuri uyu wa Mbere.
RADIOTV10
