CAF yasohoye ingengabihe y’amarushanwa ahuza amakipe yabaye aya mbere wayo 2021-2022

Impuzamashyirahamwe y’umupira w’amaguru muri Afurika (CAF) yashyize hanze gahunda y’uko amakipe azakina amarushanwa ahuza amakipe yabaye aya mbere iwayo yaba muri TOTAL CAF Champions League na TOTAL Confederation Cup 2021-2022. Muri rusange, uyu mwaka w’amarushanwa uzatangira tariki ya 10 Nzeri 2021 usozwe tariki 29 Gicurasi 2022.

Muri iyi ngengabihe harimo ko imikino y’ijonjora rya mbere izakinwa kuva tariki ya 10-12 Nzeri 2021 mbere y’uko bakina imikino yo kwishyura izakinwa tariki 17-17 Nzeri 2021.

Amakipe azazamuka mu ijonjora rya kabiri azarikina kuva tariki 15-17 Ukwakira 2021 bakina imikino ibanza mbere yo kwinjira mu mikino yo kwishyura izakinwa tariki 22-24 Ukwakira 2021.

Imikino ya kamarampaka ya TOTAL CAF Confederation Cup ku makipe azaba ashaka kujya mu matsinda izakinwa tariki 26-28 Ugushyingo 2021 bakina imikino ibanza babone gukina iyo kwishyura tariki 3-5 Ukuboza 2021.

Imikino y’amatsinda izatangira tariki 11-13 Gashyantare 2022 bakina umunsi wa mbere , umunsi wa kabiri uzakinwa tariki 18-20 Gashyantare 2022.

Umunsi wa gatatu w’amatsinda uzakinwa tariki 25-27 Gashyantare 2021 hanasozwa imikino ibanza mu matsinda.

Imikino yo kwishyura mu matsinda izatangira tariki 11-13 Werurwe 2022 mbere y’uko bakina umunsi wa gatanu w’amatsinda ukaba umunsi wa kabiri w’imikino yo kwishyura uzakinwa tariki 18-20 Werurwe 2022.

Umunsi wa nyuma mu mikino y’amatsinda uzakinwa tariki 1-3 Mata 2021 hanamenyekana amakipe azaba yageze muri ¼ cy’irangiza kizakinwa tariki 15-17 Mata bakina imikino ibanza mbere yo gukina imikino yo kwishyura tariki 22-24 Mata 2022.

Imikino ya ½ cy’irangiza izakinwa tariki 6-8 Gicurasi 2022 bakina imikino ibanza mbere yo guhura mu mikino yo kwishyura tariki 13-15 Gicurasi 2022.

Umukino wa nyuma wa TOTAL CAF Champions League na Confederation Cup 2021-2022 uzashakirwa amatariki ari hagati ya tariki 22-29 Gicurasi 2022 nk’uko biri mu itangazo rya CAF.

Muri uyu mwaka w’imikino urangiye, ikipe ya AL Ahly yatwaye igikombe cya TOTAL CAF Champions League itsinze Kaizer Chiefs ibitego 3-0 mu gihe Raja Casablanca yatwaye TOTAL CAF Confederation Cup 2020-2021 itsinze JS Kabylie ibitego 2-1

 

 

 

 

 

 

Leave a Reply

Your email address will not be published.

Related Posts