Perezida w’u Bufaransa, Emmanuel Macron yatangaje urupfu rw’umusirikare wa kabiri w’iki Gihugu wazize ibikomere yasigiwe n’igitero kimwe n’igiherutse kwivugana undi wacyo muri Liban.
Undi musirikare wapfuye, ni Caporal-Chef Anicet Girardin wari wakomerekeye mu gitero kimwe na Warrant Officer Florian Montorio we cyasize gihitanye.
Mu butumwa yanyujije kuri X, Emmanuel Macron yagize ati “Caporal-Chef Anicet Girardin wo muri Rejima ya 132 yaCanine Infantry i Suippes, wari wacyuwe ejo avuye muri Libaniaho yari yakomerekejwe bikomeye n’abarwanyi ba Hezbollah, yapfuye muri iki gitondo azize ibikomere.”
Emmanuel Macron yongeyeho ko Anicet Girardin ari intwari “yapfiriye u Bbufaransa.”
Umugaba Mukuru w’Ingabo z’u Bufaransa, General Fabien Mandon, na we yashimiye uyu musirikare watabarutse agaragaza agahinda ke gakomeye. Yavuze mu butumwa bwe kuri Twitter ko “ubwitange bwe n’inshingano ze bigomba guhabwa icyubahiro.
Hari hategerejwe umuhango wo guha icyubahiro undi musirikare Warrant Officer Florian Montorio uzaba kuri uyu wa Kane, tariki ya 23 Mata, i Montauban.
Igitero cyahitanye ubuzima bw’aba basirikare babiri b’Abafaransa cyabaye ku wa Gatandatu. Abategetsi b’u Bufaransa bavuga ko icyo gitero cyatewe na Hezbollah.
Ni mu gihe uyu mutwe w’abayisilamu, ufatanyije na Iran, urahakana ko nta ruhare na ruto wagize muri iki gitero cy’abagizi ba nabi cyahitanye bariya basirikare.
RADIOTV10
