Rurangiranwa mu mukino wo gusiganwa ku tumodoka duto, Lewis Hamilton n’umunyamideri Kim Kardashian bakomeje gushimangira ko urukundo rwabo rukomeje kugana aheza, aho bongeye kugaragara bari kumwe bagiye guhaha mu iduka i Los Angeles.
Amakuru dukesha ikinyamakuru TMZ, avuga ko aba bombi bagaragaye bari guhaha ibikoresho byo mu rugo, nk’abantu biyemeje kujya babana kenshi.
Amakuru avuga ibi byamamare byagaragaye ku wa Kabiri, ubwo bari bagiye guhaha ibikoresho byo mu rugo, mu iduka ryihagazeho ry’i Los Angeles muri Leta Zunze Ubumwe za America.
Bagaragaye nyuma y’iminsi micye n’ubundi bari babonywe bari kumwe mu iserukiramuco cya muzika rizwi nka Coachella ryabereye muri California.
Lewis Hamilton n’umunyamideri Kim Kardashian bakomeje kugaragara bari kumwe kuva ubwo babonekaga muri Super Bowl LX, ndetse kuva icyo gihe bagiye bagaragara bari kumwe mu bice binyuranye, nko mu Bwongereza, muri Arizona, no muri Colorado.
Photos © TMZ
RADIOTV10
