Icyo kwitega mu nzira zizanyurwa n’amakipe yo mu Rwanda mu marushanwa Nyafurika

Ikipe y’Ingabo z’u Rwanda, APR FC yatomboye Gaadidka yo muri Somalia mu ijonjora rya mbere rya CAF Champions League, mu gihe Rayon Sports muri CAF Confederation Cup izahura n’ikipe izatambuka hagati ya Kakamega Homeboys yo muri Kenya na Al-Hilal Benghazi yo muri Libya.

Ni ku nshuro ya kabiri mu myaka 3 ikipe ya APR FC itomboye ikipe yo muri Somalia kuko mu mwaka wa 2021 yari yatomboranye na Mogadishu City, aho APR yayisezereye iyitsinze ibitego 2 kuri 1 mu mikino yombi.

Izindi Nkuru

Uwabaye mu buyobozi bwa ruhago y’u Rwanda yahawe inshingano mu ikipe yo muri Tanzania

26/07/2024

Nyuma ya Sitade Amahoro hagiye gutahwa ikindi gikorwa remezo cya Siporo mu Rwanda

25/07/2024

Ikipe ya APR FC nikuramo Gaadidka, izahura na Pyramids yo mu gihugu cya Misiri aho ikipe izatambuka izahita ijya mu matsinda.

Ku rundi ruhande, ikipe ya Rayon Sports izahagararira u Rwanda muri CAF CONFEDERATION CUP, yo iri mu makipe 12 atazakina ijonjora rya mbere kubera ko yitwaye neza muri 2018 ubwo yageraga muri 1/4 muri CAF Champions League.

Rayon Sports izahura n’ikipe izatambuka hagati ya Kakamega Homeboys yo muri Kenya na Al-Hilal Benghazi yo muri Libya, ikipe izatambuka iki cyiciro ikazahita ijya mu matsinda.

Imikino y’ijonjora  rya mbere muri Confederation Cup izakinwa hagati y’itariki ya 18 na 20 z’ukwa 8 uyu mwaka, mu gihe imikino yo mu ijonjora rya kabiri(ari na yo Rayon Sports izakina) izakinwa hagati y’amatariki ya 15 na 17 z’ukwa 9.

Muri CAF Champions League ho, APR FC izakina mu ijonjora rya mbere hagati y’amatariki ya 18, 19 na 20 z’ukwezi kwa 8.

Jean Claude HITIMANA
RADIOTV10