Ikipe ya Chelsea FC itarahiriwe n’umwaka ushize w’imikino dore ko shampiyona yasoje iri ku mwanya wa 11, ikomeje kwiyubaka igura abakinnyi ngo irebe ko uyu mwaka yagaruka mu bihe byayo byiza.
Mu gihe Shampiyona y’u Bwongereza (English Premier League) ya 2023-2024 yatangiye, Chelsea FC yo ntirarekera kugura abakinnyi bazayifasha murI uyu mwaka w’imikino.
Kuri uyu wa Gatanu, Chelsea yatangaje ko yamaze gusinyisha umusore ukina mu kibuga hagati witwa Romeo Lavia ukomoka mu gihugu cy’u Bubirigi.
Lavia w’imyaka 19, yaciye mu makipe akomeye arimo Manchester City na Southampton avuyemo.
Muri iyi kipe ya Southampton, yayikiniye imikino 29, ayitsindira igitego kimwe.
Romeo Lavia wakiniye ikipe y’Ababiligi kuva mu bato ubu akaba asigaye anahamagarwa mu ikipe nkuru, yaje muri Chelsea aguzwe Miliyoni 58 Pounds.
Ni umusore kandi wifujwe n’ikipe ya Liverpool FC ariko we aza gutangaza ko yifuza gukinira Chelsea ari na yo yamwegukanye.
Adelaide ISHIMWE
RADIOTV10
