Impuguke mu bya gisirikare zo mu Bihugu bigize Umuryango wa Afurika y’Iburasirazuba (EAC) ziteraniye i Kigali mu nama igamije gutegura icyumweru cyahariwe ibikorwa by’ubufatanye bw’Abasivile n’Ingabo muri gahunda izwi nka CIMIC (Civil-Military Cooperation).
Amakuru dukesha Ubuyobozi bw’Ingabo z’u Rwanda (RDF) yagiye hanze ku gicamunsi cyo kuri uyu wa Mbere tariki 02 Kamena 2025, avuga ko iyi nama yahuriyemo impuguke mu bya gisirikare, yateraniye i Kigali.
Ubuyobozi Bukuru bwa RDF buvuga ko “Impuguke mu bya gisirikare ziturutse mu Bihugu binyamuryango by’Umuryango wa Afurika y’iburasirazuba (EAC) ziteraniye i Kigali” mu nama y’itsinda ry’impuguke mu bya gisirikare ‘Defence Expert Working Group’ (DEWG).
Izi mpuguke ziri kuganira ku myiteguro y’Icyumweru cyahariwe ibikorwa by’imikoranire y’abasivile n’ingabo Civil-Military Cooperation (CIMIC) mu kwizihiza umunsi wahariwe ibikorwa by’Ingabo muri EAC bizizihizwa ku nshuro ya 5, bizabera mu Rwanda mu kwezi gutaha kwa Kamena 2025.
Ubuyobozi bwa RDF buvuga ko iyi nama ihuriramo abayobozi bakuru mu nzego z’umutekano n’iza Gisirikare, igaragaza intambwe imaze guterwa mu mikoranire y’abasivile n’inzego za gisirikare, mu bikorwa by’ubutabazi ndetse n’imikoranire y’akarere muri EAC.
RADIOTV10