Ubuyobozi bwa Rayon Sports, bwatangaje ko Uwamariya Joselyne Fanethe wari umwe mu bagize Komite ngenzuzi y’iyi kipe, yitabye Imana azize uburwayi.
Iyi nkuru y’akababaro yatangajwe n’Ubuyobozi bwa Rayon Sports, mu gitondo cyo kuri uyu wa Kane tariki 05 Mutarama 2023 ko uyu wari mu buyobozi bw’iyi kipe yitabye Imana mu ijoro ryakeye.
Ubutumwa bwa Rayon Sports bugira buti “Umuryango wa Rayon Sportsubabajwe no kubamenyesha inkuru y’akababaro y’umuyobozi wa komite ngenzuzi (Uwamariya Joselyne Fanethe) witabye imana mu ijoro ryakeye.”
Umuryango wa @rayon_sports ubabajwe no kubamenyesha inkuru y'akababaro y'umuyobozi wa komite ngenzuzi (Uwamariya Joselyne Fanethe) witabye imana mu ijoro ryakeye.
Twihanganishije umuryango we bwite,inshuti ze n'abo bakoranye mu mirimo itandukanye.
Imana imuhe iruhuko ridashira. pic.twitter.com/W8Pa1kIwEW
— Rayon Sports Official (@rayon_sports) January 5, 2023
Ubuyobozi bwa Rayon Sports bwaboneyeho kwihanganisha umuryango wa nyakwigendera ku bw’ibi byago byo kubura umuntu wabo.
RADIOTV10
