Abasirikare baherutse guhirika ubutegetsi bwa Perezida wa Niger, Mohamed Bazoum, banataye muri yombi abandi bategetsi batatu bakomeye, nyuma yo gufunga abandi barimo Minisitiri w’Umutekano w’Imbere.
Aba bategetsi batawe muri yombi n’aba basirikare baherutse guhirika ubutegetsi, barimo Minisitiri w’Umutungo Kamere, Minisitiri ushinzwe ibikomoka kuri Petelori, n’Umuyobozi w’ishyaka rya Perezida Mohamed Bazoum.
Aba bayobozi baje bakurikira abandi bari batawe muri yombi, barimo Minisitiri w’Umutekano w’Imbere mu Gihugu, na Minisitiri w’Ubwikorezi n’Umwungirije.
Ishyaka riri ku butegetsi ryatangaje ko itabwa muri yombi ry’aba bategetsi, ryerekana imiyoborere y’igitugu ikomeje kuranga itsinda ry’igisirikare riherutse guhirika ubutegetsi mu cyumweru gishize.
Assoumani TWAHIRWA
RADIOTV10
