Ku nshuro ya mbere agira icyo avuga ku byavuye mu matora y’Umukuru w’Igihugu muri Kenya, Raila Odinga yabihakanye avuga ko agiye kwiyambaza inzira ziteganywa n’amategeko kugira ngo biteshwe agaciro.
Raila Odinga utarakunze guhirwa mu matora y’Umukuru w’Igihugu, yongeye gutsindwa na William Ruto watsinze ku majwi 50.49% mu gihe Odinga yagize 48.5%.
Kuri uyu wa Kabiri tariki 16 Kanama 2022, Raila Odinga yagize icyo avuga ku byavuye muri aya matora, abyamaganira kure.
Yagize ati “Twe uko tubibona ni uko ibyatangajwe na Chebukati [Umuyobozi wa Komisiyo y’amatora muri Kenya] tutabyemera kandi tubyamaganye kandi bigomba guteshwa agaciro n’urukiko rubifitiye ububasha.”
Raila Odinga wari uhataniye kuyobora Kenya ku nshuro ya gatanu, nta na rimwe yigeze yemera ibyavuye mu matora, akaba yavuze ko no kuri iyi nshuro agiye kwiyambaza inzira ziteganywa n’amategeko kugira ngo ziteshe agaciro ibi byavuye mu matora.
Umuyobozi Wungirije wa Komisiyo y’Amatora muri Kenya, Juliana Cherera yavuze ko aya matora yegukanywe na William Ruto, yanyuze mu mucyo.
Kuba Odinga yahakanye ibyavuye mu matora byatumye muri Kenya hazamuka icyoba ko hashobora kwaduka imidugararo yaterwa n’abashyigikiye uyu mugabo bagiye nubundi bayiteza ubwo yabaga yatsinzwe.
Muri 2017, ubwo Odinga yatsindwana, hapfuye abantu 100 mu gihe muri 2007 bwo hari hapfuye abarenga 1 200.
RADIOTV10
