Raphaël Xavier Varane uzwi nka Raphaël Varane, umufaransa w’imyaka 28 wari mu myugariro wa Real Madrid muri Espagne, yakiriwe nka myugariro wo mu mutima w’ubwugarizi muri Manchester United. Varane azajya arangwa n’umubare 19.
Raphaël Varane wari umaze imyaka icumi (10) muri Real Madrid, ikipe yagezemo mu 2011 avuye mu Bufaransa mu ikipe ya Lens, yasinye amasezerano y’imyaka ine muri Manchester United (2021-2025).
Kuri uyu wa Gatandatu mbere y’uko Manchester United yakira Leeds United, Varane yabanje kwerekwa abafana bari muri Old Traford anerekana nimero (19) izamuranga mu mutima w’ubwugarizi bwa Manchester United.
Varane yerekanwe i Manchester mbere y’uko bakira Leeds United
Kuva mu 2013 nibwo Varane yatangiye gukinira ikipe y’igihugu y’u Bufaransa (nkuru) akaba amaze kuyikinira imikino 75 yatsinzemo ibitego bitanu nka myugariro. Varane kandi ari mu bakinnyi bafashije u Bufaransa gutwara igikombe cy’isi cya 2018.
Raphael Varane azajya yambara umwenda uriho umubare 19 (Shirt Number)
Varane yiyeretse abafana ba Manchester United
