Ikipe ya Rayon Sports FC yujuje imikino icyenda (9) yikurikiranya ikina n’amakipe mpuzamahanga, yose iyitsinda hatarimo no kunganya.
Umukino wa 9, Rayon Sports FC yatsinze ibitego bibiri kuri kimwe ikipe ya Al Ahly Wad Madani yo muri Sudan.
Ibitego byombi bya Rayon Sports FC byatsinzwe na rutahizamu w’Umunya-Cameroun Junior Kameni, mbere y’uko Al Ahly Wad Madani ibona igitego cy’impozamarira.
Aya makipe yombi ari kwitegura imikino ya CAF Confederation Cup, aho Rayon Sports FC izahura na Panthère Sportive du Ndé yo muri Cameroun, naho Al Ahly Wad Madani ihure na Tusker FC yo muri Kenya.
Al Ahly Wad Madani izakinira imikino yayo mu Rwanda.
Usibye uyu mukino, Rayon Sports FC yari yatsinze indi mikino 8 irimo 5 yo muri CECAFA Kagame Cup, irushanwa yanegukanye.
Indi mikino yatsinze:
- 4-3 Jamus: Gicuti
- 2-0 Gor Mahia: Rayon Day
- 2-0 KVZ: CECAFA Kagame Cup
- 1-0 Tusker: CECAFA Kagame Cup
- 1-0 Al Hilal: CECAFA Kagame Cup
- 3-1 Jamus: 1/2 cya CECAFA Kagame Cup
- 2-1 Gor Mahia: Finale ya CECAFA Kagame Cup
- 3-0 Mathare United: Gicuti
- 2-1 Al Ahly Wadi Madani: Gicuti
Ku wa 27 Kanama, Rayon Sports FC izakina Super Cup, aho izahura na Police FC muri 1/2, ari nabwo bwa mbere izaba ikinnye n’ikipe yo mu Rwanda kuva aho itangiriye imyitozo.
Ephrem KAYIRANGA
RADIOTV10