Konti ya Instagram y’Ibiro by’Umukuru w’Igihugu muri Leta Zunze Ubumwe za America (White House) yakoreshwaga ku buyobozi bwa Barack Obama, yagaragayeho ubutumwa budasanzwe biza kumenyekana ko yagenzurwaga n’abari bayinjiriye.
Barack Obama wabaye Perezida wa US, asanzwe afite konti ye ya Instagram, mu gihe iyakoreshwa n’ibiro bye ubwo yari akiri Perezida yitwa @obamawhitehouse, ari na yo yinjiriwe n’abo mu Idini ya Isla, bazwi nka Shiite.
Uwari wibye iyi konti, yagiye ashyiraho ubutumwa budasanzwe, ndetse ubundi abutambutsa kuri stories, ahanyuzwa ubutumwa bumara amasaha 24.
Ikinyamakuru TMZ kiravuga ko umwe mu bahagarariye Meta nyiri uru rubuga nkoranyambaga rwa Instagram, yemeje ko iriya konti koko yari yinjiriwe, ariko nyuma ikaza kugarurwa.
Ubutumwa bwa nyabwo bwaherukaga kuri iriya konti, ni ubwatambukijweho ku itariki 20 Mutarama 2017, ubwo Donald Trump yarahiriraga bwa mbere kuba Perezida wa Leta Zunze Ubumwe za America.
RADIOTV10
