Diamond yagaragaje ko yaguze isaha y’agatangaza ihagaze miliyoni 30 Frw yashyizwe ku isoko n’ikomanyi yitwa Rolex watch.
Diamond Platnumz kugeza ubu ri gukora ibitaramo bizenguruka Amerika, yanyuze kuri instagram ye maze agaragaza ko yaguze isaha y’akataraboneka kuri miliyoni mirongo 69 z’amashiringi ya Tanzania.
Ati: “Miliyoni 69 ku isa”. Aya mafaranga uyashyize mu munyarwanda usanga arenga miliyoni 30 Frw ni [30,420,539.39 frw]. Iyi saha yaguze yakozwe n’ikompanyi yitwa Rolex watch isanzwe icuruza amasaha agura abifite.
Uyu muhanzi ukunze kugira inama bagenzi be yo kutambara amashenete [Imikufi ] y’ibiwani, tariki 7 Kanama 2021 anyuze kuri instagram yeretse abakunzi be ko yaguze umukufi uhenze yishyuye hejuru ya miliyoni 5 z’amashiringi ya Tanzania.
Iyi saha y’agatangaza ayiguze nyuma y’amezi make aguze imodoka ihenze yo mu bwoko bwa The 2021 Rolls-Royce Cullinan yaje yiyongera ku zindi zihenze asanzwe atunze zirimo The Cadillac Escalade Black Edition, The Cadillac Escalade Sky Captain Edition, Toyota Landcruiser V8, BMW X6 na Toyota Landcruiser TX .
