Umuhanzi Bruce Melodie ukomeje kwitwara neza muri muzika nyarwanda, yakoranye indirimbo n’umuhanzi Bahati wo muri Kenya, mu ndirimbo uyu muhanzi ateramo imitoma idasanzwe umugore we.
Iyi ndirimbo bitiriye umugore wa Bahati witwa Diana, yanashyizwe kuri YouTube Chanel y’uyu mugore usanzwe ari ugezweho muri Kenya.
Iyi ndirimbo kandi yumvikanamo amagambo yihariye y’imitoma ndetse yanditswe mu Kinyarwanda yumvikanisha urukundo rwimbitse rwa Bahati na Diana.
Hari nk’aho Bahati aririmba agira ati “Uremanywe ubwenge, ikurema yari yaraye ikurota’ndetse nayandi magambo y’imitoma yumutse.”
Hakomeje kwibazwa niba iyi ndirimbo y’iminota 3’ n’amasegonda 23’’ yaraguzwe na Diana cyangwa yarayimuhawe nk’impano dore ko Diana na Bahati bari mu bakunzwe muri kenya bituma bafatwa nk’ikitegererezo mu rukundo.
Joby Joshua
RADIOTV10
