Urwego rushinzwe umutekano w’Imbere muri Qatar, ruri gutanga amahugurwa yihariye ku bapolisi b’u Rwanda, mu rwego rw’ubufatanye busanzwe hagati y’Ibihugu byombi.
Ni amahugurwa atatu ari gutangwa n’uru rwego rwo muri Qatar ruzwi nka Lekhwiya, ari kubera mu Mujyi wa Kigali mu Rwanda.
Iyi gahunda y’amahugurwa ikubiyemo amasomo yo mu byiciro binyuranye, birimo kurinda abanyacyubahiro, kugenzura no guhosha ibikorwa byimyigaragambyo, n’uburyo bwo kurwana mu gihe hari imirwano ibera mu bice bituwemo n’abaturage.
Aya mahugurwa atuma abayitabiriye bagira ubumenyi buhanitse n’ubuhanga mu by’ingenzi mu nzego z’umutekano.
Izi gahunda zigize uruhare runini mu gushimangira ubufatanye mu by’umutekano hagati y’Ibihugu byombi (u Rwanda na Qatar) no kongera ubushobozi bw’abapolisi b’u Rwanda mu mikorere yabo.
Ubumenyi buri gutangirwa muri aya mahugurwa kandi agamije kunoza imyiteguro n’imikorere myiza mu gukemura ibibazo byinshi by’umutekano no kubungabunga ituze ry’abaturage.
Iyi gahunda igaragaza ubushake bw’impande zombi mu kubaka ubushobozi no kuzamura ubumenyi bwa kinyamwuga, gusangizanya ubumenyi, no gushyigikira ibikorwa byo kubaka ubushobozi mu rwego rw’umutekano.
RADIOTV10
