Nk’uko bizwi, amateka adufasha kumenya aho tuva, kugira ngo tumenye uko dutegura ejo hazaza, muri iyi nkuru tugaruka ku bihe by’ingenzi byaranze itariki nk’iyi mu mateka y’imikino itandukanye ku isi.
Tumenye uyu munsi:
Uyu munsi ni kuwa Gatatu w’itariki ya 06 Ukwakira 2021, ni umunsi wa 280 mu minsi igize umwaka harabura iminsi 86 ngo umwaka urangire, Turi ku wa Gatatu wa 40 kuva 2021 yatangira Turi mu cyumweru cya 41 mu byumweru bigize umwaka wa 2021.
Ni bande bavutse ku munsi nk’uyu?
1.Theo Hernández (1997)
Yujuje imyaka 24, umufaransa ukina aca ku mpande yugarira muri Milan AC n’ikipe y’igihugu y’u Bufaransa
Theo Bernard François Hernández Yanyuze mu makipe nka Atlético Madrid B, Alavés, Real Madrid, Real Sociedad na AC Milan akinira kugeza ubu.
Amaze gukinira ikipe z’igihugu z’u Bufaransa z’abakiri bato ikipe nkuru yubufaransa yatangiye kuyikinira uyu mwaka wa 2021 amaze kuyikinira umukino umwe.
2.Mark Schwarzer (1972)
Yujuje imyaka 49, umunya-Australia wahoze akina mu izamu rya Chelsea n’ikipe y’igihugu ya Australia.
Mark Schwarzer niwe munyezamu utari uwo mu bwami bw’u Bwongereza wabashije gukina imikino 500 muri Premier League,ni nawe mukinnyi ushaklje wagaragaye mu mikino yo gukuranamo ya Champions League, yanyuze mu makipe nka Middlesbrough, Bradford, Fulham, Chelsea, Leicester City n’ayandi. Mu ikipe y’igihugu ya Australia yayikiniye imikino 109
3.Ricardo Pereira (1993)
Yujuje imyaka 28,umunya-Portugal ukina nka myugariro uca ku ruhande rw’iburyo muri Leicester City n’ikipe y’igihugu ya Portugal.
Ricardo Domingos Barbosa Pereira, yanyuze mu makipe nka Vitória Guimarães, FC Porto, Nice na Leicester City akinira.
Mu ikipe y’igihugu ya Portugal amaze kuyikinira imikino irindwi nta gitego arayitsindira.
4.Pizzi (1989)
Amazina ye yose ni Luís Miguel Afonso Fernandes Yujuje imyaka 32, umukinnyi wo hagati w’umunya Portugal ukinira Benfica y’iwabo n’ikipe y’igihugu ya Portugal
Uyu musore yanyuze mu makipe atandukanye nka Atlético de Madrid, Deportivo La Coruña na Espanyol, mu ikipe y’igihugu ya Portugal amaze kuyikinira imikino 17 yayitsindiye ibitego Bitatu, yari kumwe nayo batwara UEFA Nations League ya 2019.
Ni bande bakoze ubukwe ku munsi nk’uyu?
1977: George Foreman, igihangange mu iteramakofe ry’abafite ibiro byinshi yakoze ubukwe na Cynthia Lewis.
Ni bande bitabye Imana ku munsi nk’uyu?
1969: Walter Hagen, Umunyamerika Kabuhariwe mu mukino wa Golf, yatwaye ibikombe bikomeye 11, birimo us open y’1914 n’iyi 1919,yitabye Imana azize cancer ku myaka 79.
Ibihe by’ingenzi byaranze itariki nk’iyi mu mateka y’imikino itandukanye ku isi:
1857: Ku nshuro ya mbere mu mateka, i New York habereye irushanwa rya chess ryari ryateguwe n’ishyirahamwe ry’uyu mukino muri Leta zunze ubumwe za Amerika, ryaje kwegukanwa na Paul Morphy kuya 10 Ugushyingo.
2018: Australia yakoze amahindura akomeye muri Rugby ubwo yatsindaga ikipe y’igihugu ya Argentina amanota 45-34, nyuma y’uko igice cya mbere cyarangiye Australia itsinzwe 31-7.
2018: Khabib Nurmagomedov yakubise umunya-Ireland Conor McGregor ubwo bahataniraga ikamba mu iteramakofe ry’abafite ibiro bike.
2018 : Ikipe y’igihugu ya Nouvelle Zélande y’umukino wa Rugby yegukanye igikombe cya gatandatu kikurukiranya mu bikinirwa ku isi mu mukino wa Rugby nyuma yo gutsinda Afrika y’Epfo amanota 32-20, muri shampiyona y’isi ya Rugby.
Tariki ya 6 Ukwakira 1993 Michael Jordan yavuze ko ahagaritse gukina Basketball muri NBA nyuma yurupfu wa se, gusa nyuma yaje kugaruka.
Byateguwe na Esther Fifi Uwizera/RadioTV10 ku bufatanya na DSTV
