Ikipe ya Rayon Sports nyuma yo kugerageza kuganira na Fiacre Ntwali wari umunyezamu wa AS Kigali bikanga, ubu yamaze kumvikana w’Umunya-Uganda wakiniraga ikipe ya Maroons, Simon Temale.
Mu mwaka ushize w’imikino, ikipe ya Maroons yanigamo uyu munyezamu yasoreje ku mwanya wa 6 ariko Simon Temale ni umwe mu bakinnyi bahatanira igihembo cy’umukinnyi w’umwaka muri Uganda.
Mu mikino 22 yakinnye muri shampiyona ya Uganda, Simon Temale wifuzwa na Rayon, yakinnye imikino 12 atinjizwa igitego.
Amakuru agera kuri RADIOTV10 mu ishami rya Siporo, yemeza ko uyu munyezamu w’Umunya-Uganda, Simon Temale yinjira muri Rayon Sports mu masezerano y’imyaka ibiri.
Kugeza ubu ikipe ya Rayon Sports imaze gusinyisha abakinnyi 2 bashya aribo; Serumogo Ally wavuye muri Kiyovu na Bugingo Hakim wavuye muri Gasogi United, ubu hakaba hagiye kwiyongeraho umunyezamu Simon Temale.
Wasili UWIZEYE
RADIOTV10
