Bamwe mu bakinnyi b’ikipe ya Gasogi United imaze iminsi ititwara neza, banduye icyorezo cya COVID-19 mbere y’uko bakina na Police FC.
Mbere y’uko Gasogi United ikina umukino wa 11 wa Shampiyona y’Icyiciro cya mbere ikina na Police, abakinnyi batanu b’iyi kipe basanganywe ubwandu bwa COVID-19.
Abakinnyi basanganywe iki cyorezo ni Bugingo Hakim, Tresor Ndabarasa, Tuyisenge Hakim, Aimable Kwizera na Prosper Rugangazi.
Aba bakinnyi ba Gasogi United, banduye COVID-19 mu gihe mu minsi ishize hari abandi barwaye iki cyorezo barimo abakinnyi n’abatoza ba APR FC, ndetse n’abandi bakinnyi bane ba Rayon baherutse kucyandura.
Mu itangazo rya Minisiteri y’ubuzima ryaraye risohotse kuri uyu wa kabiri tariki 28/12/2021, rigaragaramo abanduye Coronavirus mu Rwanda ari 998 mu mujyi wa Kigali habonekamo abarwayi 532 mu gihe yahitanye ubuzima bw’umuntu umwe.
Gasogi United kandi irakina na Police FC idafite idafite Armel Ghislain utarikingiza, Heron na we ufite ikibazo cy’imvune.
Ku wa Gatatu 29-12-2021
- APR FC vs Espoir FC
- Police FC vs Gasogi United
- Bugesera FC vs Kiyovu SC
Kuwa Kane, 30-12-2021
- Rutsiro FC vs Gorilla FC
- AS Kigali vs Mukura VS&L
RADIOTV10
