Kuri uyu wa Mbere tariki 7 Werurwe 2022, abakobwa 20 bahatanira ikamba rya Miss Rwanda bakoze ikizamini cyanditse kugira ngo basuzumwe ubumenyi bafite muri gahunda za Guverinoma.
Ikizamini cyanditse cyari kigamije kureba ubumenyi bafite kuri gahunda za Guverinoma, intego n’icyerekezo cy’irushanwa rya Miss Rwanda ndetse n’akamaro kabo nka ba Nyampinga mu muryango nyarwanda.
Babajijwe ikibazo kimwe, basabwaga gusobanura igisubizo cyabo mu buryo burambuye. Ni ikibazo cyari giteye muri ubu buryo: “Sobanura uruhare rwa Miss Rwanda mu iterambere ry’Igihugu (mu Rwanda no mu Mahanga).”
Iki kizamini cyanditse cyari kiyobowe na Teddy Kaberuka, Impuguke n’Umusesenguzi mu by’Ubukungu. Yavuze ko iri suzuma rifasha mu kumenya ubushobozi bw’aba bakobwa bahataniye ikamba.
Ivomo: Miss Rwanda
RADIOTV10
