Leta ya Afghanistan iyobowe n’Abatalibani, yatangaje ko ifunze abanyamahanga batuye muri icyo Gihugu barimo Abanyamerika babiri, ibashinja kutubahiriza amategeko y’Igihugu.
Umuvugizi wa Guvernoma ya Afghanistan, Zabihullah Mujahid; yavuze ko bamaze kumenyesha Leta Zunze Ubumwe za America ko bataye muri yombi abaturage bayo.
Ntayandi makuru yatangaje, nko ku bwenegihugu bw’abandi bafunzwe, uretse kuvuga ko mu bafunzwe harimo Abanyamerika babiri.
Abavandimwe b’umwe muri abo Banyamerika bafungiwe muri Afghanistan, bavuze ko uyu watawe muri yombi n’Abatalibani, yitwa Ryan Corbett.
Ni ku nshuro ya mbere ubutegetsi muri Afuganisitani bwemeye ku mugaragaro ko bufunze Abanyamerika.
Mu cyumweru gishize, Umuvugizi wa Ministeri y’Ububanyi n’Amahanga muri Leta Zunze Ubumwe za Amerika, yavuze ko iki Gihugu gikomeje gukora ibishoboka byose kugira ngo gifunguze Abanyamerika bafungiwe mu bihugu bitandukanye ku Isi.
Assoumani TWAHIRWA
RADIOTV10
