Abakinnyi b’Ikipe y’Igihugu y’u Rwanda mu mukino wa Volleyball y’abagabo, bitabiriye umwiherero wo kwitegura imikino y’Igikombe cya Afurika, izabera i Kinshasa muri Repubulika Iharanira Demokari ya Congo.
Aba bakinnyi bitabiriye umwiherero nyuma yuko bahamagawe n’umutoza w’amakipe y’Igihugu, Frédéric Guérin, aho yahamagaye abakinnyi 21 bazavamo abo azajyana i Kinshasa muri Congo mu mikino y’Igikombe cya Afurika.
Ishyirahamwe ry’Umupira wa Volleyball mu Rwanda FRVB, ryatangaje ko abakinnyi b’Ikipe y’Igihugu y’abagabo “bitabiriye umwiherero kugira ngo batangire imyiteguro y’Igikombe cya Afurika (African Nations Championship) cya 2026 kizatangira mu ntangoro za Nzeri.”
Iri Shyirahamwe rivuga ko habanje gukorwa isuzuma ry’ubuzima bw’aba bakinnyi ndetse n’ibijyanye n’imbaraga z’umubiri, ubundi bagahita bajya gutangira imyiteguro.
Aba bakinnyi bahamagawe mu cyumweru gishize n’amakipe bakinamo ni Ntanteteri Crispin (REG), Nsabimana Mahoro Yvan (KEPLER), NOLAN Enzo Ganza (Nyanza –TSS), Niyonshima Samuel (APR), RUKUNDO Willy (GISAGARA), MUNYAMAHORO D’Amour (APR), MUTABAZI YVES (APR), GISUBIZO MERCI (REG), KWIZERA ERIC (POLICE), MUNYINYA MUGISHA (KIREHE), DUSENGE WICKLIF (KEPLER), Gatsinzi Venuste (GISAGARA), NTAWIHA KENNY (APR), Twagirayezu Emmy (REG), KANAMUGIRE PRINCE (APR), NKURUNZIZA JOHN (Kepler), SHYAKA FRANK (POLICE), RWANYONGA ALEX (POLICE), Rwigema Simon (REG), IRAKOZE ALAIN (POLICE), MUGISHA JEAN santere (REG).
Igikombe cya Afurika mu mukino wa Volleyball, biteganyijwe ko kizabera i Kinshasa muri DRC, gusa bikaba bikekwa ko gishobora kwimurwa kubera icyorezo cya Ebola kimaze iminsi muri iki Gihugu.
RADIOTV10