Abantu umunani (8) baburiye ubuzima mu nkongi y’umuriro yatwitse inzu zirenga 400 mu nkambi ya Mushonezo y’abavanywe mu byabo n’imyuzure idasanzwe yabaye mu gace ka Kalehe mu Ntara ya Kivu y’Epfo muri Repubulika Iharanira Demokarasi ya Congo.
Bamwe mu baturage bavuga ko iyi nkongi y’umuriro yatewe n’abana bari batetse, umuriro ukaza gushumika bimwe mu bice.
Inkambi ya Mushonezo icumbikiwemo imiryango 500 iri muri metero 50 uvuye ku biro bya Teritwari ya Kalehe.
Inzu zirenga 400 zari zigize iyi nkambi, zubakishije ibyatsi mu gihe izindi nke zubakishije za shitingi, mu gihe zose zahiye zigakongoka.
Assoumani TWAHIRWA
RADIOTV10
