Diyoseze Gatulika ya Gikongoro, yatangaje ko yapfushije Umupadiri, Gervase Twinomujuni wakoreraga umuhamagaro w’Ubusaseridoti muri Paruwasi ya Bishyira mu Karere ka Nyamagabe, akaba ari na we wari Padiri Mukuru.
Iyi Paruwasi Gaturika ya Bishyira yayoborwaga na nyakwigendera Padiri Gervase Twinomujuni, iherereye mu Murenge wa Buruhukiro muri aka Karere ka Nyamagabe.
Itangazo ryashyizwe hanze n’Ubuyobozi bwa Diyoseze Gatulika ya Gikongoro ryashyizweho umukono n’Umushumba wayo, Musenyeri Selestin Hakizimana, yatangaje urupfu rw’uyu Musaseridotiki.
Iri tangazo ryo kubika, rivuga ko “Padiri Gervase Twinomujuni yitabye Imana kuri uyu wa Gatandatu tariki 23/11/2024 azize uburwayi.”
Musengeyi Selestin Hakizimana yakomeje agira ati “Imihango yo kumuherekeza izaba ku wa Gatanu tariki 29 Ugushyingo 2024, ibirambuye n’igitambo cya Misa yo kumusabira kizaturirwa muri Katedrali ya Gikongoro.”
Gervase Twinomujuni abaye Umusaseridoti wa gatatu witabye Imana muri iyi Diyoseze Gatulika ya Gikongoro, nyuma ya Padiri Félicien Hategekimana witabye Imana muri Nyakanga ndetse na Padiri Peter Balikuddembe watabarutse muri Werurwe 2024.
RADIOTV10
