Menya Ibihugu 75 America igiye guhagarika guha Visa abaturage b’abimukira babiturukamo

Guverinoma ya Leta Zunze Ubumwe za America, yatangaje ko igiye guhagarika gutanga no kwakira ubusabe Visa ku baturage b’abimukira bo mu Bihugu 75 byiganjemo ibyo ku Mugabane wa Afurika birimo n’u Rwanda.

Byatangajwe na Minisiteri y’Ububanyi n’Amahanga muri America, aho iki Gihugu kivuga ko bigamije “guca intege ibikorwa byo kuba abimukira bajya kubangamira imibereho myiza y’Abanyamerika.”

Iyi Minisiteri ivuga ko ibikorwa byo guhagarika gutanga Visa “bizakomeza gukorwa kugeza igihe Amerika izabasha kwemeza ko abimukira bashya batazongera kubangamira imibereho y’Abanyamerika.” Kandi ikavuga ko ibi bizagira ingaruka ku “Bihugu byinshi”, birimo Somalia, Haiti, Irani na Eritrea.

Perezida Trump kuva yagaruka ku butegetsi muri Mutarama 2025, yakomeje gushyira imbaraga mu gukumira abimukira bajya muri iki Gihugu cya America, dore ko yari yasezeranyije Abanyamerika kwirukana abimukira badafite ibyangombwa. Mu mwaka ushize, yagiye ahagarika itangwa rya viza ku baturage bo mu Bihugu byinshi.

Mu ntangiriro z’iki cyumweru Minisiteri y’Ububanyi n’Amahanga yavuze ko yakuyeho viza zirenga ibihumbi 100 kuva Trump yagaruka muri White House, amateka y’umwaka umwe.

Minisiteri y’Umutekano w’Igihugu mu kwezi gushize yavuze ko ubutegetsi bwa Trump bwirukanye abantu barenga 605.000, mu gihe abandi miliyoni 2.5 bavuye muri America ku bushake.

Umuvugizi wa Minisiteri y’Ububanyi n’Amahanga yavuze ko guhagarika gutanga no kwakira ubusabe bwa viza kuri biriya Bihugu 75, bizatangira gushyirwa mu bikorwa ku ya 21 Mutarama 2026.

Gusa iyi gahunda ntikizareba abasaba viza batari abimukira, cyangwa iz’abakerarugendo b’igihe gito cyangwa iz’ubucuruzi.

Dore urutonde rw’ibyo Bihugu

1. Afghanistan

2. Albania

3. Algeria

4. Antigua and Barbuda

5. Armenia

6. Azerbaijan

7. Bahamas

8. Bangladesh

9. Barbados

10. Belarus

11. Belize

12. Bhutan

13. Bosnia and Herzegovina

14. Brazil

15. Myanmar

16. Cambodia

17. Cameroon

18. Cape Verde

19. Colombia

20. Côte d’Ivoire

21. Cuba

22. Democratic Republic of the Congo

23. Dominica

24. Egypt

25. Eritrea

26. Ethiopia

27. Fiji

28. The Gambia

29. Georgia

30. Ghana

31. Grenada

32. Guatemala

33. Guinea

34. Haiti

35. Iran

36. Iraq

37. Jamaica

38. Jordan

39. Kazakhstan

40. Kosovo

41. Kuwait

42. Kyrgyzstan

43. Laos

44. Lebanon

45. Liberia

46. Libya

47. North Macedonia

48. Moldova

49. Mongolia

50. Montenegro

51. Morocco

52. Nepal

53. Nicaragua

54. Nigeria

55. Pakistan

56. Republic of the Congo

57. Russia

58. Rwanda

59. St Kitts and Nevis

60. St Lucia

61. St Vincent and the Grenadines

62. Senegal

63. Sierra Leone

64. Somalia

65. South Sudan

66. Sudan

67. Syria

68. Tanzania

69. Thailand

70. Togo

71. Tunisia

72. Uganda

73. Uruguay

74. Uzbekistan

75. Yemen

RADIOTV10