Al Hilal Benghazi izakina na Rayon Sports mu mukino w’ijonjora rya CAF Confederation Cup, yayimenyesheje ko uyu mukino ugomba kuba mu muhezo, nta bafana bari muri Sitade.
Ni umukino uzaba tariki 24 Nzeri 2023, wagombaga gukinirwa muri Libya tariki ya 15 Nzeri 2023, ariko kuko iki Gihugu cyibasiwe n’ibiza, urasubikwa wimurirwa mu Rwanda.
Nyuma yo gusubika uyu mukino, amakipe yombi yumvikanye ko imikino yose igomba kubera mu Rwanda tariki ya 24 na 30 Nzeri 2023.
Al Hilal nk’ikipe izakira umukino ubanza, yamaze kumenyesha Rayon Sports ko umukino wo ku Cyumweru tariki ya 24 Nzeri, uzaba mu muhezo nta bafana bemewe kuri uyu mukino.
Amakuru avuga ko ubwo bari muri Libya bari basabye iyi kipe ko igomba kureka abafaba bakaza ikababwira ko ntakibazo iri bubyigeho ariko yumva ntacyo bitwaye.
Gusa yaje kubahindukana ibabwira ko ari yo izakira umukino igomba no kubikora uko yifuza.
Ku ruhande rw’ubuyobozi bwa Rayon Sports, amakuru avuga ko bamaze kwiyakira kuko ntacyo barenzaho mu gihe Al Hilal izakira umukino yabyanze ko bazazana abafana.
Jean Claude KANYIZO
RADIOTV10
