Rayon yemeje ko Youssef na Ayoub batakiri abakinnyi bayo

Facebook
Twitter
LinkedIn
WhatsApp

Ubuyobozi bwa Rayon Sports bwemeje ko abakinnyi babiri b’Abanya-Maroc, Youssef Rharb na Ait Lahssaine Ayoub basubiye mu ikipe yabo ya Raja Casablanca yari yabatije.

Aya makuru yo kwirukana Youssef na Ayoub yari yiriwe acicikana ariko Umuvugizi wa Rayon Sports, Jean Paul Nkurunziza yari yayahakanye avuga ko batazakina umukino iyi kipe ifite kuko barwaye.

Izindi Nkuru

Ku gicamunsi cyo kuri uyu wa Gatanu tariki 14 Mutarama 2022, Ubuyobozi bwa Rayon Sports bwasohoye itangazo ryemeza ko aba bakinnyi babiri b’Abanya-Maroc batakiri abayo.

Muri iri tangazo rifite umutwe ugira uti “Youssef na Ayoub basubiye mu ikipe yabo ya Club Raja Athletics Club” rivuga ubuyobozi bwa Rayon bushimira aba bakinnyi by’umwihariko Youssef.

Rivuga ko Youssef yakiniye Rayon Sports imikino 11 anayitsindira ibitego bibiri naho Ayoub we ayikinira umukino umwe.

Umutoza mukuru w’agateganyo wa Rayon Sports, Lomami Marcel yagize ati “Abahungu baje kandi bakorera mu bihe bigoye bakigera mu ikipe. Batangaga icyizere kandi buri wese yarabakunze, tubifurije ibyiza mu bihe biri imbere.”

Aba bakinnyi bari baje muri Rayon n’intizanyo nyuma y’amasezerano iyi kipe yasinyanye na Raja Athletics Club muri Nyakanga 2021.

RADIOTV10

Leave a Reply

Your email address will not be published. Required fields are marked *

IzindiNkuru