Rutahizamu w’ikirangirire w’ibihe byose Cristiano Ronaldo, yatsindiye ibitero bibiri ikipe ye ya Al-Nassr FC, bituma umubare w’ibitego bibura ngo yuzuze igihumbi (1 000) ugabanuka ugera ku bitego 27 gusa.
Ku mugoroba wo kuri uyu wa kane al nassr ya cristiano ronaldo nibwo yegukanye igikombe cya Shampiyona yo muri Arabie Saoudité, kapiteni wayo Cristiano Ronaldo akaba yakoze amateka yo kwegukana igikombe ku Mugabane wa Aziya kuri iyi nshuro.
Al nassr nibwo yegukanye Igikombe cya Shampiyona ya Arabie Saoudité nyuma y’uko yari imaze gutsinda Damac ibitego 4-1 igahita yuzuza amanota 86 irusha amanota abiri Al Hilal SC yatsinze Al Feiha igitego 1-0 yo ikagira 84.
Ibitego bya Al nassr byatsinzwe na Sadio Mané wagishyizemo ku munota wa 33, Kingsley Coman ku munota wa 51, na bibiri bya Cristiano Ronaldo ku munota wa 62 n’uwa 80.
Gutsinda uyu mukino byatumye yuzuza amanota 86, irusha amanota abiri Al Hilal SC bihanganye, n’ubwo na yo yari yatsinze Al Feiha igitego 1-0, ihita yegukana Igikombe cya 10 cya Shampiyona ya Arabie Saoudité, kiba icya 10 iyi kipe yegukanye [1975, 1980, 1981, 1989, 1994, 1995, 2014, 2015, 2019, 2026].
Muri uyu mwaka w’imikino, Al Nassr yatsinze imikino 28, inganya ibiri mu gihe yatsinzwe ine. CR7 yatsinze ibitego 28 muri 63 iyi kipe yinjije muri uyu mwaka wose.
Ibi byatumye uyu mukinnyi agira ibitego 973, mu rugendo rwe rwo kwandika amateka yo gutsinda ibitego 1000. Muri Saudi Pro League amaze gutsinda ibitego 102, mu gihe Al Nassr yayitsindiye ibitego 129.
Uyu munyabigwi yanditse andi mateka yo kwegukana Igikombe cya Shampiyona ku Mugabane wa Aziya nyuma yo kubyegukana iwabo, mu Bwongereza, muri Espagne no mu Butaliyani.
Cristiano ufite imyaka 41 ari ku rutonde rw’ikipe y’Igihugu ya Portugal izakina Igikombe cy’Isi cya 2026, kikazaba ari icya gatandatu akinnye mu mateka ye.
Jean Claude KANYIZO
RADIOTV10
