Minisitiri w’Ububanyi n’Amahanga n’Ubutwererane, Amb. Olivier Nduhungire yakiriye mu musangiro ba Ambasaderi bashya boherejwe guhagararira Ibihugu byabo mu Rwanda.
Ni igikorwa cyabaye ku ijoro ryo kuri uyu wa Gatatu tariki 27 Ugushyingo 2024, nyuma yuko aba Badipolomate bakiriwe na Perezida Paul Kagame mu Biro bye, bakamushyikiriza impapuro zibemerera guhagararira Ibihugu byabo mu Rwanda.
Amakuru dukesha Minisiteri y’Ububanyi n’Amahanga yatangajwe kuri uyu wa Kane tariki 28 Ugushyingo, avuga ko “Mu ijoro ryashize muri Kigali Convention Center, Minisitiri Olivier Nduhungirehe yakiriye ku meza Abapilomate bashya baherutse kugaragaza impapuro zabo.”
Uyu musangiro wabaye nyuma yuko aba boherejwe guhagararira Ibihugu byabo mu Rwanda, bakiriwe na Perezida Paul Kagame, barimo Ambasaderi wa Switzerland, Mirko Giulietti; uwa Armenia, Sahak Sargsyan; uwa Australia, Jenny Isabella Da Rin.
Perezida PKagame kandi yakiriye impapuro za Ambasaderi Nadeska Imara Cuthbert Carlson wa Nicaragua, Ambasaderi Savvas Vladimirou w’Igihugu cya Cyprus, Patricio Alberto Aguirre Vacchieri w’Igihugu cya Chile ndetse na Ambasaderi wa Luxembourg, Jeanne Crauser of Luxembourg.
Abandi bahagarariye Ibihugu byabo mu Rwanda, bakiriwe na Perezida Kagame, ni Dag Sjöögren wahawe guhagararira Sweden mu Rwanda, hakaba Ernest Yaw Amporful wa Ghana, Ambasaderi Brig. Gen. Mamary Camara wa Mali ndetse na Lincoln G. Downer w’Igihugu cya Jamaica.
Photos © MINAFFET
RADIOTV10
