Umuhanzi uzwiho guhoza no kuririmba indirimbo z’urukundo, Yverry yahamije urwo akunda Uwase Vanessa, yemera guca bugufi ashinga ivi hasi amwambika impeta amusaba kuzamubera umugore.
Rugamba Yves uzwi nka Yverry yambitse impeta umukunzi we kuri uyu wa Kane tariki 17 Werurwe 2022 mu muhango wari unogeye ijisho.
Iki gikorwa cyabereye ahantu hari hatatse bidasanzwe, cyari giherekejwe n’akaririmbo gatuje k’uyu muhanzi gafitanye isano n’iki gikorwa yitwa Nkuko njya mbirota.
Iyi ndirimbo hari aho igira iti “uwo munsi umenya nzanarira, ubwo nzakubita ivi hasi imbere y’Imana n’abantu nkwambika impeta nk’uko njya mbirota.”
Muri uyu muhango ubwo iyi ndirimbo yari igeze kuri uyu murongo, ni bwo Yverry yashinze ivi hasi ahita yambika impeta umukunzi we na we wagaragazaga akanyamuneza.
RADIOTV10
