Ibirangirire Kim Kardashian, na Lewis Hamilton bamaze igihe bavugwa ko bari mu rukundo, bagaragaye bari kumwe bareba umupira, banyuzamo bakarebana neza nk’abantu bari mu rukundo.
Kim Kardashian w’imyaka 45 na Lewis Hamilton w’imyaka 41 y’amavuko, bagaragaye ubwo bariho bareba umukino wa nyuma wa American Football wari wahuje ikipe ya Seattle Seahawks na New England Patriots wabereye i San Francisco.
Uku kugaragara kw’abo bombi bari kumwe ruhame, kubayeho bwa mbere nyuma y’iminsi havuzwe ko bari mu rukundo ariko rw’ibanga hagati yabo.
Mu byumweru bibiri bishize kandi, havuzwe urugendo rwa Kim Kardashian wavuye i Los Angeles muri Leta Zunze Ubumwe za America akerekeza mu Bwongereza ari mu ndege ye bwite, aho yari agiye kureba Lewis Hamilton.
Ibinyamakuru nka The Sun byavuze kuri uku kubonana kwabo na ko kwabaye mu ibanga rikomeye, byatangaje ko aba bombi bagiye gusangira ifunguro rya nimugoroba ndetse banakorerwa massage nk’abantu bakundana mu gihe cy’akaruhuko, byabereye ahitwa Estelle Manor, ahantu h’ibanga hakorerwa masaje muri Oxfordshire.
RADIOTV10
