Ikipe ya Manchester City yo mu Bwongereza yahamijwe ibyaha 114 muri 115 yashinjwaga na Premier League, mu rubanza rurebana no kutubahiriza amategeko agenga imari y’amakipe.
Ibi birego byibanda hagati ya 2009 na 2018, ubwo Manchester City yatwaraga ibikombe bitatu bya Premier League, FA Cup ebyiri ndetse na EFL Cup.
Bimwe mu byo City yashinjwaga birimo guhisha amafaranga yatanzwe na nyiri ikipe, kwishyura abakozi amafaranga atagaragazwa mu bitabo by’imari, ndetse no kutagira ubufatanye buhagije mu iperereza ryakozwe na Premier League.
Iyi ni imwe mu manza zikomeye cyane mu mateka ya Premier League, aho komisiyo yigenga yamaze hafi imyaka ibiri isuzuma ibimenyetso n’ibirego byatanzwe.
Nubwo Manchester City yamaze guhamwa n’ibyaha byinshi, ibihano izahabwa ntibiratangazwa.
Ubuyobozi bwa Manchester City bwatangaje ko bugiye guhita bujuririra iki cyemezo cyafashwe n’ukukiko ” inzira y’urubanza iracyakomeje Kandi hari ibice by’ingenzi bitararangira murubanza rwacy ” . Ikipe kandi ivuga ko yubahirije inzira z’amategeko mu myaka umunani ishize, yizeye ko Premier League izakora nk’urwego rwigenga, rutabogama kandi rutabogamye.
Ubu amaso ahanzwe ku gihano Manchester City izahabwa, kuko gishobora kugira ingaruka zikomeye ku ikipe no ku mateka yayo muri Premier League.
RADIOTV10