Mu mukino wa UEFA Champions League, abafana ba wa AC Milan, bagaragaje ko bakizirikana uburyo umunyezamu wa Paris Saint Germain yo mu Bufaransa, Donnaruma yateye umugongo ikipe yabo, bakora igisa n’imyigaragambyo.
Ni umukino wabaye mu ijoro ryacyeye, aho AC Milan yo mu Butaliyani yari yakiriye PSG yo mu Bufaransa, yayitsinze ibitego 2-1.
Muri uyu mukino, abafana ba AC Milan bakoze igisa n’imyigaragambyo ku munyezamu wahoza abakinira ubu uri muri PSG ari we Gianluigi Donnarumma Cavaliere.
Donnarumma wari umukino we wa mbere muri iyi kipe, yamaze imyaka itandatu 6 akinira AC Milan, ayivamo yerecyeza i Paris.
Abafana ba AC Milan bamufata nk’umugambanyi w’umuhashyi kuko yigurishije agahabwa miliyoni 10 € zo kumugura aho yahise ayatwara yose kuko yari ashoje amasezerano kandi yaranze kongera amasezerano muri AC Milan mu gihe bamufataga nk’umwana wabo.
Abafana ba AC Milan bari bamukoreye inoti ziriho ifoto ye, bigeze ku munota wa 10’ babijugunya mu kibuga.
Nyuma y’iminota 2’ gusa bajugunye izo mpapuro mu kibuga, rutahizamu wa AC Milan, Leao yahise agombora igitego bari batsinzwe na Skriniar, ndetse baza no gutsinda igitego cy’intsinzi cyatsinzwe na Olivier Giroud.
Jean Claude KANYIZO
RADIOTV10
