Abahanzi babiri bafite amazina akomeye mu karere ka Afurika y’Iburasirazuba, Big Fizzo w’i Burundi na Eddy Kenzo wo muri Uganda, bategerejwe i kigali mu gitaramo cy’umuhanzi Platini P.
Aya makuru yatangajwe n’umuhanzi Nemeye Platini uri mu myiteguro y’igitaramo afite tariki 30 Werurwe 2024 kizabera mu Rwanda.
Platini P. watumiye aba bahanzi Big Fizzo na Eddy Kenzo, avuga ko uretse kuba barakoranye indirimbo, ari n’inshuti mu buzima busanzwe.
Platini na Eddy Kenzo baheruka gukorana bise Toroma, ndetse bakaba barigeze no gukorana indi ubwo uyu muhanzi w’Umunyarwanda yari akiri mu itsinda rya Dream Boyz, bari barakoranye izindi ndirimbo ebyiri zirimo iyamamaye cyane yitwa ‘No one like you’.
Ni mu gihe kandi umuhanzi Big Fizzo Ukomoka i Burundi na we yakoranye na Platini indirimbo bise ‘Ikosa 1’ imaze umwa igiye hanze.
Iyi ndirimbo yakozwe mu ibanga, yanasohokanye n’amashusho yafatiwe mu Mujyi wa Kigali ubwo Big Fizzo yari yaje mu Rwanda mu ibanga rikomeye
Kate G. NKURUNZIZA
RADIOTV10
