Abakinnyi b’Ikipe y’ubukombe mu Rwanda batanze ubutumwa bwihariye bwo Kwibuka29

Abakinnyi b’ikipe ya Kiyovu Sports yashinzwe mu 1964, batanze ubutumwa bwo kuzirikana inzirakarengane zishwe muri Jenoside yakorewe Abatutsi no gufata mu mugongo abayirokotse, muri iki gihe cyo Kwibuka ku nshuro ya 29.

Babinyujije mu butumwa bw’amajwi n’amashusho, bafatiye mu Rwibutso rwa Jenoside rwa Kigali, aba bakinnyi ba Kiyovu Sports bifatanyije n’Abanyarwanda bose mu Kwibuka ku nshuro ya 29 inzirakarengane zazize Jenoside yakorewe Abatutsi mu 1994.

Izindi Nkuru

PSG umufatanyabikorwa w’u Rwanda ivuyemo undi mukinnyi nyamwamba nyuma ya kizigenza Messi

03/06/2023

Icyizere gisendereye gitangwa n’ikipe y’u Rwanda iri mu irushanwa rigereranywa nk’Igikombe cy’Isi

02/06/2023

Ni ubutumwa bugaragaramo abakinnyi batandukanye ba Kiyovu Sports, bayobowe na Kapiteni wabo Kimenyi Yves n’umwungirije Serumogo Ali, kimwe n’abandi bakinnyi nka Rutahizamu Mugenzi Bienvenue, Nkinzingabo Fiston, Iradukunda Bertrand ndetse n’Umunyafurika y’Epfo Riyaad Norodien.

Iyi kipe ya Kiyovu Sports, hamwe n’abakinnyi bayo, bibukije aba Sportif bose n’abakunzi bayo muri rusange gukomeza guha icyubahiro inzirakarengane zazize Jenoside yakorewe Abatutsi mu 1994 ndetse bagahaguruka bakarwanya ingengabitekerezo ya Jenoside, ari na ko bamaganira kure abapfobya Jenoside yakorewe Abatutsi mu 1994.

Umuryango wa Kiyovu Sports watanze ubutumwa bw'ihumure muri ibi bihe u Rwanda rurimo, byo kwibuka ku nshuro ya 29 Jenoside yakorewe Abatutsi mu Rwanda muri Mata 1994.#Kwibuka29 pic.twitter.com/Q0yNVaKwKE

— RadioTv10 Rwanda (@Radiotv10rwanda) April 10, 2023

Aba bakinnyi banagarutse ahanini ku buryo u Rwanda rwiyubaka umunsi ku munsi, aho bavuze ko amateka rwanyuzemo ari wo murongo ukomeza ahazaza harwo, dore ko Kiyovu Sports ari imwe mu makipe yashegeshwe bikomeye n’aya mahano yagwiriye u Rwanda kuko yahitanye bamwe mu bari abanyamuryango bayo.

Bamwe mu baguye muri Jenoside bahoze ari abanyamuryango ba Kiyovu, barimo Nyirinkindi Pacifique, Kagabo Innocent,  Kanyandekwe Norbert, bakundaga kwita “Pilote”, Murenzi Innocent, wari uzwi ku izina rya “Kukuni”, Nkusi “Moro” Octatus, Rudasingwa Martin, bitaga “Kunde”, Zingiro ndetse na Mayeri wari umutoza w’abana b’iyi kipe ya Kiyovu Sports, ndetse n’abari abakunzi bayo bakomeye nka Mukimbiri Eugène, Gashagaza Gaspard, Higiro Innocent n’abandi.

Ikipe ya Kiyovu Sports, yashinzwe mu 1964, ni ukuvuga ko Jenoside yakorewe Abatutsi yabaye iyi kipe imaze imyaka 30 ibayeho.

Cedrick KEZA
RADIOTV10