Urukiko Mpuzamahanga rwashyiriweho Ubutabera ruregwamo Ibihugu ICJ (International Court of Justice) rwatangiye kumva ikirego cy’Ibihugu birenga 50 bihagarariwe na Afurika y’Epfo ku byaha bishinja Israel ko iri gukora Jenoside muri Gaza.
Inkuru ya Aljazeera yatangaje ko ICJ izumva ibi birego mu gihe cy’iminsi ibiri bigomba gutangirana n’uyu wa Kane bigakomeza n’ejo ku wa Gatanu.
Mu bindi Bihugu byifatanyije na Afurika y’Epfo mu guhamya ko Israel iri gukora Jenodide muri Gaza yitwaje umutwe wa Hamas; ni: Bolivia, Belgium, Brazil, Maldives, Venezuela and Namibia, Afghanistan, Albania, Azerbaijan, Bahrain, Bangladesh, Benin, Leta Zunze Ubumwe z’Abarabu, Brunei Darussalam, Burkina Faso, Algeria, Djibouti, Colombia, Chad, Indonesia, Morocco, Cote d’Ivoire, Palestine, Gabon, Gambia, Guinea, Guinea Bissau, Guyana, Iraq, Iran, Cameroon, Qatar, Kazakhstan, Kyrgyzstan, Comoros, Kuwait, Libya, Lebanon, Malaysia, Mali, Egypt, Mauritania, Mozambique, Niger, Nigeria, Uzbekistan, Pakistan, Senegal, Spain, Sierra Leone, Somali, Sudan, Surinam, Syria, Saudi Arabia, Tajikistan, Togo, Tunisia, Türkiye, Turkmenistan, Uganda, Oman, Jordan na Yemen.
Abaturage ba Palestine barimo gushimira Afurika y’Epfo yafashe iya mbere mu gutanga ikirego ivuga ko aba baturage barimo gukorerwa Jenoside na Israel.
Uru Rukiko rugiye gutangira kumva iki kirego nyuma y’aho umwami wa Jordania Abdullah II bin Al-Hussein, na Perezida wa Misiri, Abdel Fattah el-Sissi, n’uwa Palestine, Mahmoud Abbas ejo bahuye bakaganira ku bwicanyi n’ihohoterwa ririmo gukorerwa abaturage ba Gaza n’uburyo byashyirwaho iherezo.
Mu mpera z’umwaka ushize, Ubutegetsi bwa Afurika y’Epfo bwareze Israel gukora Jenoside muri Gaza mu gihe Israel yo ishinja icyo Gihugu gukorana bya hafi n’umutwe wa Hamas.
Dosiye ikubiyemo iki kirego ifite paji 80, isaba Urukiko rw’Umuryango w’Abibumbye gukurikirana byihuse ibiri gukorerwa muri Gaza.
Uru rukiko rwa ICJ, rwavuze ko rugiye gukurikirana ko Israel ishobora kuba itararenze ku masezerano yasinyiwe i Paris, mu Bufaransa avuga ko nta handi hazongera kuba Jenoside ukundi.
Olive YAMBABARIYE
RADIOTV10
