Basketball: APR BBC yasubiriye REG BBC mu mukino waranzwe n’ishyaka ridasanzwe ku bakinnyi n’abafana

Mu mukino wa kabiri wa kamarampaka izagaragaza ikipe igomba kwegukana igikombe cya Shampiyona y’u Rwanda muri Basketball, ikazanahagararira u Rwanda mu mikino Nyafurika (BAL 2023), APR BBC yongeye gutsinda REG BBC.

Muri uyu mukino wabaye ku mugoroba wo kuri iki Cyumweru tariki 03 Nzeri muri BK Arena, APR BBC yatsinze REG BBC amanota 74-62.

Agace ka mbere(Q1) katwawe na REG BBC kuko karangiye REG BBC igatsinze ku manota 20-12 ya APR BBC.

Mu gace kakabiri (Q2) ikipe ya APR BBC yabaye nk’ikangutse, izamura amanota, ndetse karangira amakipe yombi anganya amanota 36-36.

Amakipe avuye kuruhuka, n’ubundi ikipe ya APR BBC yakomeje kugenda imbere ya REG BBC, kuko agace ka gatatu karangiye iri imbere n’amanota 52 kuri 49 ya REG BBC.

Ikipe ya APR BBC yanihariye agace ka nyuma k’umukino, karangiye APR BBC iwutsinze ku manota 74 kuri 62 ya REG BBC.

Biteganyijwe ko aya makipe agomba gukina imikino irindwi ngo haboneke izatwara igikombe cya shampiyona y’uyu mwaka, gusa APR BBC itsinze indi mikino ibiri, yahita igitwara kuko yaba yujuje intsinzi 4 ubwo imikino yindi itatu yaba isigaye ntacyo yaba ivuze.

Jean Claude KANYIZO
RADIOTV10