DR Congo: Abasirikare barenga 2000 bamaze guhitanwa n’inyeshyamba

Igisirikare cya Repubulika Iharanira Demokarasi ya Congo cyatangaje ko kuva mu Ukwakira kwa 2014 kimaze kubura abasirikare babarirwa mu 2000 baguye mu mirwano mu karere ka Beni kari mu burasirazuba bw’iki gihugu.

Leta ya Congo kandi ivuga ko aba basirikare bayo bishwe n’umutwe urwanya ubutegetsi bwa uganda, ADF.

Kugeza ubu, abaturage babarirwa mu 145 nibo bamaze gutabwa muri yombi na Leta ya Congo bakurikiranyweho gukorana n’uyu mutwe wa ADF mu gihe abarwanyi b’uwo mutwe babarirwa mu 100 batawe muri yombi nk’uko byatangajwe na Gen.Brig. Sylvain Ekenge uvugira igisirikare mu karere ka Kivu y’amajyaruguru.

Umutwe wa ADF wavutse urimo abarwanyi b’abayisilamu bakomoka mu gihugu cya Uganda bavugaga ko bifuza kuvana Perezida Yoweli Kaguta Museveni ku butegetsi.

Kuri ubu ushinze ibirindiro muri Iharanira Demokarasi ya Congo  aho umaze imyaka 30 yose mu mashyamba y’icyo gihugu.

Inkuru ya:  Assoumani TWAHIRWA RadioTV10 Rwanda

 

Leave a Reply

Your email address will not be published.

Related Posts