DRC: Kajugujugu ya LONI yakoze impanuka irahanuka

Facebook
Twitter
LinkedIn
WhatsApp

Indege yo mu bwoko bwa Kajugujugu y’ishami ry’Umuryango w’Abibumbye rishinzwe Ibiribwa, yakoreye impanuka muri Teritwari ya Nyiragongo muri Repubulika Iharanira Demokarasi ya Congo.

Iyi ndege yarimo abakozi b’Umuryango w’Abibumbye b’Ishami rishinzwe ibiribwa, bari mu butumwa muri Repubulika Iharanira Demokarasi ya Congo, yakoreye impanuka muri Gurupoma ya Rusayu muri Teritwari ya Nyiragongo mu gice giherereye mu majyaruguru ashyira Uburengerazuba bw’Umujyi wa Goma.

Izindi Nkuru

Yakoze impanuka nyuma yo kugenda ibirometero 15 ubwo yari igeze mu gace ko mu Majyaruguru ya Mugunga kuri uyu wa Gatanu tariki 02 Nzeri 2022.

Oyebi.net dukesha aya makuru, ivuga ko ntawaguye muri iyi mpanuka ya kajugujugu ariko ko abayikomerekeyemo ari batatu.

Ubuyobozi bw’ubutumwa bw’Umuryango w’Abibumbye muri Repubulika Iharanira Demokarasi ya Congo, ntacyo buravuga kuri iyi mpanuka y’Indege.

Amakuru y’ibanze, avuga ko iyi mpanuka ishobora kuba yaturutse ku mpamvu z’ikirere kitari kimeze neza, cyatumye ibura impuzandinganire bigatuma iyi ndege ihanuka.

Abakozi batatu ba UN bakomeretse

RADIOTV10

Leave a Reply

Your email address will not be published. Required fields are marked *

IzindiNkuru